Paano magluto ng Pork Ribs Nilaga

Ang Pork Ribs Nilaga ay isang klasikong lutuing Pilipino na simple pero punô ng lasa. Perfect ito sa malamig na panahon o kapag gusto mo ng sabaw na nakaka-comfort. Dahil pork ribs ang gamit, mas malinamnam ang sabaw at siguradong mapaparami ang kanin mo!

Mga Sangkap:

1 kilo pork ribs, hiniwa
1 sibuyas, binalatan at hiniwa sa apat
2–3 pirasong patatas, binalatan at hiniwa
1 maliit na repolyo, hiniwa
Asin at paminta , ayon sa panlasa
Tubig (sapat para matakpan ang karne)


Paraan ng Pagluluto:

1. Sa malaking kaldero, ilagay ang pork ribs at takpan ng tubig. Pakuluin at alisin ang mga dumi o bula na lilitaw.
2. Idagdag ang sibuyas, asin at paminta. Hinaan ang apoy at pakuluin ng 45 minuto o hanggang lumambot ang karne.
3. Kapag malambot na ang pork ribs, idagdag ang patatas at pakuluin ng 10 minuto.
4. Ilagay ang repolyo at lutuin ng 2–3 minuto.
5. Bago patayin ang apoy ifinal ang timpla, pwede kang maglagay ng mga flavor enhancer na gusto mong gamitin, ihain habang mainit.