Ginisang Munggo Recipe na may Crispy Pork at Alugbati

 

Ang Ginisang Munggo ay isa sa mga pinakapaboritong lutong bahay sa Pilipinas. Kilala ito sa malinamnam nitong sabaw, masustansyang munggo, at masarap na kombinasyon ng karne at gulay.

Sa bersyong ito, ginamit ang crispy pork,alugbati, at kalabasa upang mas maging masarap at nakakabusog ang bawat subo. Ang creamy na sabaw ng munggo ay perpektong ipares sa mainit na kanin.

Kung naghahanap ka ng budget-friendly at healthy na pagkain para sa pamilya, subukan ang simpleng Ginisang Munggo recipe na ito.

 

 Mga Sangkap:

1 tasa munggo
6 tasa tubig
300 gramo liempo, hiniwa sa maliliit na piraso
2 tasa dahon ng alugbati
1 tasa kalabasa, hiniwa sa cubes
1 sibuyas, tinadtad
2 butil bawang, tinadtad
2 kutsara mantika
Asin at paminta  ayon sa panlasa

Paraan ng pagluluto:

 
1. Hugasan nang mabuti ang munggo. Ilagay ito sa isang kaserola kasama ang tubig at pakuluan hanggang lumambot. Haluin paminsan-minsan.
2. Habang niluluto ang munggo, iprito ang liempo hanggang maging golden brown at bahagyang crispy. Itabi muna.
3. Sa hiwalay na kawali, painitin ang mantika at igisa ang sibuyas hanggang bumango saka ilagay ang bawang at gisahing maigi.
4. Idagdag ang nilutong munggo kasama ang sabaw nito. Haluing mabuti.
Isama ang kalabasa at pakuluan nang 8 hanggang 10 minuto o hanggang lumambot.
5. Ilagay ang crispy pork at hayaang kumulo ng ilang minuto.
Idagdag ang dahon ng alugbati at lutuin sa loob ng 1 hanggang 2 minuto.
6. Timplahan ng asin at paminta  ayon sa iyong panlasa at ihain habang mainit.

 

 Cooking Tips
1. Mas masarap ang munggo kung ibababad ito sa tubig nang 1 oras bago lutuin para mas mabilis lumambot.
2. Ang pagbabad ng munggo bago lutuin ay nakakabawas ng purine sa munggo para maiwasan ang uric acid  spike.
3. Huwag sobrang lutuin ang alugbati upang mapanatili ang kulay at sustansya nito.
Maaari ring gumamit ng chicharon bilang topping para sa dagdag na alat at lutong.



FAQs
1. Maaari bang gumamit ng ibang  sahog?

Oo, maaari kang gumamit ng hipon, tinapa, tokwa, o pritong isda.

2. Paano itatago ang natirang Ginisang Munggo?

Ilagay sa airtight container at itago sa refrigerator hanggang 3 araw.

3. Maaari ba itong i-freeze?

Oo, maaari itong i-freeze nang hanggang 1 buwan.

4. Ano ang pinakamagandang partner nito?

Pinakamasarap itong kainin kasama ng mainit na kanin at pritong isda.

Ang Ginisang Munggo na may crispy pork, alugbati, at kalabasa ay isang masarap, masustansya, at budget-friendly na ulam na madaling ihanda sa bahay. Perpekto ito para sa pang-araw-araw na pagkain at siguradong magugustuhan ng buong pamilya.