Ang Pigar-Pigar ay isang sikat na street food mula sa Dagupan City, Pangasinan. Karaniwan itong ginagawa gamit ang manipis na hiwa ng karne ng kalabaw, pero puwede ring gumamit ng karne ng baka. Simple lang ang mga sangkap—karne, sibuyas, repolyo, paminta, at asin—pero napakasarap nitong ipares sa mainit na kanin.
Kapag gusto ko ng masarap na ulam na hindi mahirap ihanda, magandang subukan ang Pigar-Pigar. Ang sikreto ay manipis na hiwa ng karne at mainit na mantika para mabilis itong maluto. Idagdag ang sibuyas at repolyo sa bandang huli para may kaunting lutong pa ang mga gulay. Simple lang, pero rock ang lasa!
Mga Sangkap:
500 grams karne ng baka o kalabaw, hiniwang manipis
2 kutsara toyo
2 medium sibuyas, hiniwa nang pabilog
2 tasa repolyo, hiniwa nang malalaki
3 tasa na Mantika, o sapat para sa pagprito
Paminta at asin ayon sa panlasa
Paraan ng Pagluluto:
1. Timplahan ng toyo, paminta at asin ang manipis na hiwa ng karne.
2. Painitin ang mantika sa kawali. Kapag mainit na, kumuha ng kunting karne at ilagay sa mantika, huwag ilagay ang lahat ng karne sa isang lutuan lang para di magsiksikan, para maganda ang pagkakaluto ng pigar pigar.
3. Iprito ang karne habang hinahalo hanggang bahagyang maging golden brown saka isama ang repolyo at sibuyas at ituloy ang paghahalo hanggang sabay sabay na maluto at hanguin.
4. Ulitin ang prosesong ito para sa natitira pang karne at repoly hanggang maluto lahat.
5. Ihain kasama ng kanin at suka na sawsawan.
Cooking Tips:
1. Kung gusto mo ng mas tradisyonal na lasa, gumamit ng karne ng kalabaw. Puwede ring karne ng baka kung iyon ang mas madaling bilhin.
2. Hiwain nang manipis ang karne para mas mabilis maluto.
3. Iprito ang karne nang paunti-unti upang hindi bumaba ang init ng mantika.
4. Huwag sobrang tagalan ang pagluluto ng sibuyas at repolyo para hindi lumambot nang husto.
5. Ihain agad ang Pigar-Pigar habang mainit para mas masarap kasama ng kanin.
FAQs:
1. Ano ang Pigar-Pigar?
Ang Pigar-Pigar ay isang sikat na pagkaing kalye mula sa Dagupan City, Pangasinan, na karaniwang gawa sa pritong manipis na hiwa ng karne, sibuyas, at repolyo.
2. Anong karne ang ginagamit sa Pigar-Pigar?
Tradisyonal na ginagamit ang karne ng kalabaw. Maaari ring gumamit ng karne ng baka bilang alternatibo.
3. Kailangan bang lagyan ng atay ang Pigar-Pigar?
Hindi kailangan. Sa simpleng bersiyong ito, karne, sibuyas, at repolyo lamang ang ginagamit kasama ng paminta at asin.
4. Ano ang masarap na ipares sa Pigar-Pigar?
Pinakamasarap itong kainin kasama ng mainit na kanin at sawsawang suka kung gusto mo ng maasim at maanghang na sawsawan.
Ang Pigar-Pigar ay patunay na hindi kailangang maraming sangkap para makapaghanda ng masarap na ulam. Sa simpleng karne, sibuyas, repolyo, paminta, at asin, makakagawa ako ng pagkaing madaling ihanda at bagay sa buong pamilya. Simple pero rock—iyan ang gusto ko sa mga lutong-bahay!
No comments:
Post a Comment