Ang Air Fryer Fish ay isang mas madaling paraan ng pagluluto ng fish dish. Dahil sa air fryer, nagiging malutong ang balat habang nananatiling malambot at juicy ang laman ng isda nang hindi gumagamit ng maraming mantika.
Sa recipe na ito, matututunan mong gumawa ng masarap na Air Fryer fish na perpekto para sa tanghalian o hapunan. Ihain ito kasama ng sawsawang toyo at calamansi para sa mas masarap na pagkain.
Mga Sangkap:
1 buong isda (mga 800 g hanggang 1 kilo), malinis
2 kutsara mantika
3 butil ng bawang, dinikdik
1 kutsarita calamansi juice
Paminta at asin ayon sa panlasa
Para sa Sawsawan:
3 kutsara toyo
2 kutsara calamansi juice
1 pulang sili, hiniwa (opsyonal)
Paraan ng Pagluluto:
1. Patuyuing mabuti ang isda gamit ang paper towel.
2. Sa isang maliit na mangkok, paghaluin ang mantika, bawang, paprika, calamansi juice, paminta at asin ayon sa panlasa, ipahid ang timpla sa loob at labas ng isda.
3. Painitin ang air fryer sa 200°C sa loob ng 5 minuto saka ilagay ang isda sa air fryer basket.
4. Lutuin sa 200°C sa loob ng 18 hanggang 22 minuto o hanggang maging golden brown at malutong ang balat.
5. Ilipat sa serving plate.
6. Ihain kasama ng sawsawang toyo, calamansi, at sili.
Cooking Tips:
1. Patuyuing mabuti ang isda upang mas maging malutong ang balat.
2. Huwag siksikin ang air fryer basket upang pantay ang pagkaluto.
3. Pahiran ng kaunting mantika ang balat para mas gumanda ang browning.
4. Maaaring dagdagan ang oras ng pagluluto depende sa laki ng isda
5. Ihain habang mainit para sa pinakamainam na texture.
FAQs:
1. Maaari bang boneless bangus ang gamitin?
Oo. Boneless bangus ang mas madaling kainin.
2. Kailangan bang baligtarin ang isda?
Hindi na kung pantay ang airflow ng iyong air fryer, ngunit maaari itong baligtarin sa kalagitnaan ng pagluluto kung nais.
3. Paano malalaman kung luto na ang isda?
Kapag madaling humiwalay ang laman at malutong na ang balat.
4. Maaari bang i-marinate magdamag?
Oo. Mas lalong sasarap ang isda
5. Paano ito iimbak?
I-refrigerate sa airtight container nang hanggang 2 araw.
Ang Air Fryer fish ay isang mas madaling paraan upang makagawa ng malutong at masarap na pritong isda nang hindi gumagamit ng maraming mantika. Perpekto ito para sa pang-araw-araw na pagkain ng buong pamilya.
No comments:
Post a Comment