Tuesday, March 30, 2021

Ano Ang Mga Sustansyang Makukuha Sa Marang




Nakakain na po ba kayo ng marang? Ang marang ay isang uri ng prutas na katutubo sa Borneo, Palawan at Mindanao, ako bilang taga Mindanao (Davao) ang marang ay isa sa mga paborito kong prutas dahil sagana ito sa amin sa mga buwan ng Agosto hanggang Oktubre, kasabay ng mga rambutan, lansones, mangosteen at durian. Mas gusto ko ito kapag hindi sobra ang pagkahinog at malalaki ang laman katulad ng nasa larawan, mabango at masarap ang marang.
Artocarpus odoratissimus ang scientific name ng marang, bukod sa Pilipinas, mayroon ding marang sa Thailand, Malaysia, Brunei, Indonesia at sa ilang bahagi ng India.
Masustansya rin ang Marang, dahil bawat 100 gramo ng laman mayroon itong 17mg na calcium, 35mg ng phosphorus, 2,1 mg ng iron at 30mg ng Bitamina C.
Sa mga nakakain na ng marang ano ang masasabi nyo sa prutas na ito? Sa mga di pa nakakain, tikman nyo na po.

Sunday, March 14, 2021

Ensaladang Chinese Cabbage (Pechay Baguio)





Masarap at masustansya .Kapag fresh ang pechay Baguio ito ay malutong at malinamnam, kaya piliing maigi ang gagawing ensalada.

Mga sangkap
1/2 kilo pechay Baguio (hiniwa)
1 buo sibuyas ( hiniwa)
2 buo camatis (hiniwa)
2 kutsara katas ng kalamansi ( maaring dagdagan depende sa iyong panlasa)
asin ayon sa iyong panlasa
2 kutsara ng hiniwang parsley/ pwede rin dahon ng sibuyas
2 kutsara olive oil



Paraan ng Paghahanda:
1. Sa isang malaking mixing bowl ay pagsama-samahin ang mga sangkap at haluing maigi.
2. Timplahang maigi bago ihain kasama ng inihaw o pritong carne o isda.



Wednesday, July 29, 2020

Paano Lutuin Ang Tiyan Ng Bangus (Iwas Talsik Mantika)


Bumili ako ng 1 bangus na malaki, ang buntot at ulo ginawa kong paksiw at ang tiyan ay pinirito. Mmmmmm ang sarap!

Mga sangkap:
  • tiyan ng bangus
  • calamansi
  • harina
  • asin at paminta na panimpla
Paraan ng pagluluto:
  1. Pigaan ng calamansi ang tiyan ng bangus saka timplahan ng asin at paminta.
  2. Pagulungin sa harina para di sumabog at tumalsik ang mantika kapag pinirito, kapag mainit na ang mantika  ipirito ito  hanggang sa maluto.
  3. Ihain kasama ng kanin at sawsawan.

Thursday, May 28, 2020

Paano Gawin Ang Ensaladang Pinya



Nakatikim ka na ba ng salad na pinya? Kung hindi pa ay subukan mo ito. Napakadaling gawin at ang sarap pa.


Mga Sangkap:

1 piraso pinya (hiniwa)
1/2 tasa mayonaise
1/2 tasa pasas
1/2 tasa hiniwang ham
2 kutsara hiniwang dahon ng sibuyas
asin ayon sa iyong panlasa


Paraan  ng Paggawa:

1. Pagsamasamahin ang lahat ng mga sangkap at haluin maigi.
2. Ilagay sa isang mangkok at ihain.
O, di ba napakadali lang kabayan? Subukan mo na para masorpresa ang iyong pamilya.




Sunday, April 12, 2020

Paano Lutuin Ang Crispy Pata



Isa sa mga sikat na pagkaing Pinoy ang crispy pata lalo na sa mga special na handaan, kaya ito ang naisipan kong unang ibahagi sa inyo. Madali lang itong lutuin mga kababayan, pero ingat lang sa pagpipirito para di mapaso.

Mga sangkap:
1 pirasong pata (malinis na)
3 litrong tubig (dagdagan kung kailangan)
3 butil ng bawang (dinikdik)
1/2 kutsarita ng pamintang durog
1 kutsarang asin
2 litro mantika

Paraan ng Pagluluto:
1. Sa malaking caldero ilagay ang tubig, asin, paminta, bawang at pata, pakuluan hanggang sa lumambot. Kapag malambot na hanguin ang pata at patuluin.
2. Initin ang mantika sa kawali sa katamtamang apoy, kapag mainit na, ilagay ang pata at prituhin hanggang sa maluto ito. 
3. Hanguin at ihain kasama ng paborito mong sawsawan.

Tips: Para lalong lumutong ang balat wisikan ng tubig paminsan minsan habang pinipirito ito.

Pwede ring budburan ng pritong bawang kapag inihain para lalong sumarap.

Thursday, April 9, 2020

Ginisang Sardinas




Kaming dalawa ni Malley (my husband) ay mahilig sa sardinas, sa kanya nilalagay sa tinapay, akin inuulam sa kanin :). Kaya I see to it na may stock ng sardinas para kung need ng madaliang paghahanda ng makakain meron kaagad magagawa. Tulad ngayon si Malley nasa London kaya nagisa na lang ako ng sardinas, tara kain tayo.
Mga Sangkap:
  • 1 lata ng sardinas
  • kalahating sibuyas (hiniwa)
  • mantika
Paraan ng Pagluluto:
  1. Lagyan ng kunting mantika ang kawali at kapag mainit na ilagay ang sibuyas gisahin ito (nasa iyo kung gusto mong medyo brown ang sibuyas o kunting gisa lang tulad ng gusto ko.)
  2. Pagkatapos ay ilagay ang sardinas at gisahin ito. Karamihan sa sardinas di na kailangang timplahan dahil malasa na, pero nasa sa iyo pa rin yon kung gusto mong dagdagan ang timpla.
  3. Ihain ito kasama ng kanin o tinapay. Sarap!

Monday, March 23, 2020

Ginisang Sitaw At Kalabasa




Masarap at masustansya.


Mga Sangkap:
1/2 kilo kalabasa (hiniwa)
2 tali sitaw (hiniwa)
1/4 kilo baboy (hiniwa)
1/4 tasa toyo
2 tasa tubig
3 butil bawang (dinikdik)
2 kutsara mantika
asin at paminta panimpla


Paraan ng Pagluluto:
1. Initin ang mantika at ilagay ang baboy hanggang sa maging brown saka ilagay ang bawang at gisahing maigi, ilagay ang toyo at gisahin ng ilang segundo.
2. Ilagay ang tubig at pakuluin, ilagay ang kalabasa at pakuluin ng 4 na minuto o hanggang sa malapit ng maluto at ilagay ang sitaw, lakasan ang apoy para manatiling green ang kulay ng sitaw at haluing maigi, timplahan ng asin at paminta at patayin kapag luto na ang mga gulay.
3. Ihain kasama ang kanin. Masarap magkamay 😃



Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

Search This Blog