How To Cook Garlic Butter Shrimp

Ang hipon na may mantikilya at bawang ay isa sa mga kumon at bantog na putahe ng hipon. Nasa sa iyo na kung gusto mong balatan na ang hipon o hindi. Napakadaling lutuin at simple lang ang mga sangkap.
Mga sangkap:

• 1/2 kilo hipon (malinis na)
• 2 kutsara mantikilya
• 4 butil bawang (tinadtad)
• asin at paminta na panimpla
• dahon ng sibuyas

Paraan ng Pagluluto:

1. Tunawin ang mantikilya at ilagay ang bawang, igisa ito hanggang sa mapirito.
2. Ilagay ang hipon at lakasan ang apoy, timplahan ng asin at paminta. Haluing madalas hanggang sa maluto.
3. Budburan ng piniritong bawang at dahon ng sibuyas bago ihain.

English Version:
Ingredients:

• 1/2 kilo shrimps (cleaned)
• 2 tablespoons butter
• 4 cloves garlic (chopped)
• salt and pepper to taste
• spring onion for garnishing

Procedure:

1. Melt the butter then add the garlic and saute until brownish.
2. Add the shrimps and cook over high heat, season with salt and pepper,  stirring constantly until done.
3. Sprinkle with fried garlic and spring onion before serving.

How To Cook Sirloin Steak

Kapag mga ganitong putahe na ang binabanggit, ang iniisip natin sa restaurant na kakain para masarap at  special, pero ang totoo napakadaling ihanda ang steak, di mo na kailangang pumunta pa sa restaurant para makakain ng mga ganyang putahe. Bumili ka na lang ng kalahating kilo ng rump steak or sirloin at ikaw na ang magluto, samahan mo ng pang side dish para masaya.

Mga sangkap:

• 2 hiwa ng sirloin na may kapal na 2.5 sentimetro
• asin at paminta na panimpla
• 2 kutsara mantikilya

Paraan ng Pagluluto:

1. Timplahan ang karne ng asin at paminta.
2. Ilagay sa kawali ang mantikilya, kapag mainit na ay ilagay ang karne at lutuin ito sa loob ng 5 minuto o hanggang sa maging luto ayon sa iyong gusto, baliktarin paminsan minsan para pantay ang pagkakaluto nito. Lagyan ng asin at paminta bago ito hanguin.
3. Kapag luto na ay maari na itong ihain kasama ng kanin o kung anoman ang gusto mong kapares nito.

English Version
Ingredients:

• 2 slices sirloin around 2.5 cm in thickness
• salt and pepper to taste
• 2 tablespoon butter

Procedure:

1. Season the sirloin with salt and pepper.
2. In a pan heat the butter then put the sirloin and cook for 5 minutes or until it is cooked to your desired doneness, turning each side so that it will be cooked evenly. Season again with salt and pepper if needed before serving.
3. Serve with rice or any side dish that you like.

Paano Gawin Ang Ensaladang Labanos

Isa sa mga gulay na nasa kantang “Bahay Kubo”  ang labanos. Ito ay masarap gawing ensalada at kaining kasabay ng anomang pinirito o inihaw na ulam. Masarap din itong panlagay sa sinigang pero mas gusto ko ito bilang ensalada, at higit sa lahat gusto ko ang radish dahil isa ito sa mga gulay na mababa ang calories pero maraming maidudulot na mabuti sa kalusugan lalo na sa ating digestive system dahil sagana ito sa fiber. Magandang pangdetox.

Mga sangkap:

• 1/2 kilo labanos ( malinis at hiniwa na)
• 2 piraso malaking kamatis (hiniwa)
• 1 piraso maliit na sibuyas (hiniwa)
• 1/2 tasa suka2 kutsara hiniwang dahon ng sibuyas
• 1 kutsarita asucar
• sibuyas dahon (hiniwa)
• asin at paminta panimpla

Paraan ng paggawa:
1. Lagyan ng kaunting asin ang labanos at haluin, pigaing maigi para lumabas ang katas at mabawasan ang matapang na lasa ng labanos. Pagkatapos ng prosesong ito ay paghaluin ang lahat ng mga sangkap at timplahan ng asin at paminta ayon sa iyong panlasa.
2. Ihain kasama ng paborito mong ulam na inihaw o prito.

Paano Magluto Ng Tinolang Bangus

Natikman nyo na ba ang tinolang bangus? Kung hindi pa, magluto ka na kabayan at sigurdong magugustuhan mo ito.

Mga sangkap:

• 2 piraso bangus (hiniwa)
• 8 tasa tubig
• 1 sibuyas (hiniwa)
• 2 kamatis (hiniwa)
• luya kasing laki ng hinlalaki (hiniwa)
• 1 tasa malunggay
• asin panimpla

Paraan ng Pagluluto:

1. Ilagay sa kaldero ang sibuyas, luya, kamatis, bangus at lagyan ng asin, takpan at lutuin sa mahinang apoy. Kapag medyo luto na ang isda, ilagay ang tubig at lakasan ang apoy at pakuluan ang isda hanggang sa maluto.
2. Timplahang maigi at ilagay ang malunggay at patayin ang apoy.
3. Ihain kasama ng kanin. Ang sarap!

Paano Magluto Ng Minatamis Na Saging

Ang minatamis na saging ay masarap na panghimagas o pangmerienda. Pwede rin itong ihalo sa halo-halo o gawing banana con yelo. Sa pagluluto nito pwede ring asukal na brown o panutsa ang gamitin mo.
Mga sangkap:

• 6 piraso saging na saba (hiniwa)
• 3/4 tasa asukal puti
• 1 1/2 tasa tubig

Paraan ng Pagluluto:

1. Ilagay ang asukal sa kawali, tunawin ito hanggang sa medyo brown na ang kulay nito, ilagay ang tubig at pakuluin hanggang sa malusaw ang asukal.
2. Ilagay ang saging at lutuin sa katamtamang init ng apoy, haluin paminsan minsan hanggang sa maluto.
3. Kapag luto na, ihain ito bilang panghimagas o pangmerienda.

English Version
Ingredients

• 6 pieces banana ( saba)
• 3/4 cup white sugar
• 1 1/2  cup water

Procedure:

1. Put the sugar in a pan, melt it until brownish in color , then put the water and let boil until the sugar is dissolved.
2. Add the banana and let simmer over low heat until cooked while stirring every now and then.
3. When it is done, remove from heat. Serve it as a snack or a dessert.

Ensaladang Pipino At Kamatis

Masarap at maasustansya! Madaling gawin at siguradong magugustuhan ng pamilya.

Mga Sangkap:

• 3 piraso pipino (linising maigi at hiwain)
• 250 gramo maliliit na kamatis ( hiniwa )
• 2 kutsara katas ng kalamansi o lemon
• 3 kutsara suka
• 2 kutsara olive oil
• 1 kutsarita asukal
• asin at paminta panimpla

Paraan ng Paghahanda:

1. Pagsama-samahin ang lahat ng mga sangkap at haluing maigi.
2. Ihain kasama ng pinirito o inihaw na ulam.

English Version

Ingredients:

• 3 pieces cucumber
• 250 grams cherry tomato
• 2 tablespoons lemon juice
• 3 tablespoons vinegar
• 2 tablespoons olive oil
• 1 teaspoon sugar
• salt and pepper to taste

Procedure:

1. Combine all the ingredients and mix well.
2. Serve with fried or grilled viand.

Paano Magluto Ng Sinigang Na Hipon

Ang Sinigang ay isang uri ng putahe na may sabaw at maraming pwedeng gamitin dito bilang base na sangkap pero ang ibabahagi ko ngayon ay sinigang na hipon. Masarap talaga ang sinigang mapatag-araw o tag-ulan man. Kung nag aaral ka pa lang magluto, subukan mo ito, napakadali lang gawin.Dinagdagan ko ito ng kabuti (mushroom) para lalong sumarap.
Mga Sangkap:

• 1/2 kilo hipon
• 1 sibuyas (hiniwa)
• 1 kamatis (hiniwa)
• 200 gramo kabuti
• 40G sinigang  mix
• 8 tasa tubig
• 1 tali kangkong
• asin panimpla

Paraan ng Pagluluto:

1. Ilagay sa kaldero ang tubig, sibuyas, kamatis at kabuti, pakuluin ng 10 minuto.
2. Ilagay ang labanos at hipon, pakuluan sa  loob ng 2 minuto, timplahan ng asin, ilagay ang kangkong at ituloy ang pagpapakulo sa loob ng 30 segundo.
3. Ilagay ang sinigang mix, haluing maigi at patayin ang apoy pagkatapos ng isang kulo.
4. Ihain habang mainit pa.