Kung naghahanap ka ng masarap, creamy, at madaling ihandang ulam, subukan ang Ginataang Tilapia na may Pechay. Ang sariwang tilapia ay niluto sa malinamnam na gata kasama ang luya, bawang, sibuyas, at pechay upang makagawa ng isang masustansya at masarap na putahe na siguradong magugustuhan ng buong pamilya.
Mga Sangkap:
2 piraso medium size tilapia, malinis na
3 butil ng bawang, dinikdik
1 pirasong luya (kasing laki ng hinlalaki), hiniwa
1 sibuyas, hiniwa
1 piraso kamatis, hiniwa
2 tasa gata
1 tali ng pechay
Paminta at Asin ayon sa panlasa
Paraan ng Pagluluto:
1. Igisa ang bawang, luya, kamatis at sibuyas hanggang maging mabango.
2. Ibuhos ang 1 tasa ng gata, pagkatapos ay timplahan ng asin at paminta, hayaang kumulo sa loob ng 2 minuto.
3. Ilagay ang tilapia at lutuin sa mahinang apoy hanggang sa maluto ang isda.
4. Idagdag ang pechay at pakuluan sa loob ng 1 minuto.
5. Idagdag ang natitirang 1 tasa ng gata at hayaang kumulo nang 1 minuto pa. Huwag hayaang kumulo nang matagal upang manatiling malinamnam at creamy ang gata.
6. Patayin ang apoy at ihain habang mainit kasama ng bagong saing na kanin.
No comments:
Post a Comment