Beef Pares Recipe – Tender Beef in Sweet and Savory Sauce

Ang Beef Pares ay isa sa mga pinakasikat na pagkaing kalye sa Pilipinas na kalaunan ay naging paboritong ulam sa maraming tahanan. Kilala ito sa napakalambot na baka na niluluto sa matamis at malasang sarsa na may halong toyo, star anise, at iba pang pampalasa. Madalas itong ihain kasama ng garlic rice at mainit na sabaw.

Sa recipe na ito, matututunan mong gumawa ng Beef Pares na may malambot na karne at makapal na sarsa na may tamang balanse ng alat at tamis. Isang masarap na pagkain na siguradong magugustuhan ng buong pamilya.

 Mga Sangkap:

1 kilo beef brisket o beef chuck, hiniwa sa serving pieces
6 tasa tubig
1 medium sibuyas, hiniwa
6 cloves bawang, dinikdik
1 Thumb size luya, hiniwang manipis
1/4 tasa toyo
2 kutsara oyster sauce
2 kutsara brown sugar
2 piraso star anise
1 kutsara cornstarch
2 kutsara tubig (pantunaw ng cornstarch)
2 kutsara mantika
Paminta at Asin ayon sa panlasa
Hiniwang dahon ng sibuyas para sa garnish

 Paraan ng Pagluluto:

1. Initin ang mantika sa isang malaking kaserola.
2. Igisa ang luya, sibuyas at bawang hanggang bumango.
3. Ilagay ang baka at sangkutsaing mabuti hanggang  medyo brownish na ang kulay.
4. Idagdag ang toyo, oyster sauce, brown sugar, at star anise, saka ilagay ang tubig at pakuluan.
5. Takpan at lutuin sa mahinang apoy sa loob ng 2 oras o hanggang maging malambot ang baka.
6. Paghaluin ang cornstarch at 2 kutsara tubig hanggang matunaw.
7. Idagdag ang cornstarch slurry sa kaserola habang dahan-dahang hinahalo hanggang lumapot ang sarsa.
8. Timplahan ng Paminta at Asin ayon sa panlasa.
9. Budburan ng hiniwang dahon ng sibuyas at ihain kasama ng garlic rice at mainit na sabaw.

Cooking Tips:

1. Gumamit ng beef brisket o chuck para sa mas malambot na karne.
2. Huwag kalimutang alisin ang mga bula habang kumukulo upang maging mas malinis ang lasa ng sarsa.
3. Hayaang kumulo sa mahinang apoy upang maging napakalambot ang baka.
4. Huwag sosobrahan ang cornstarch upang hindi maging sobrang lapot ang sarsa.
5. Mas masarap ang Beef Pares kapag inihain kasama ng garlic rice at sabaw ng baka.

FAQs:

1. Maaari bang pressure cooker ang gamitin?
Oo. Malalambot ang baka sa loob ng humigit-kumulang 45 hanggang 60 minuto.

2. Ano ang nagbibigay ng kakaibang amoy sa Beef Pares?
Ang star anise ang nagbibigay ng natatanging aroma at lasa nito.

3. Maaari bang walang oyster sauce?
Oo. Maaari itong alisin, ngunit magiging bahagyang iba ang lasa.

4. Paano ito iimbak?
Ilagay sa airtight container at i-refrigerate nang hanggang 3 araw.

5. Ano ang pinakamainam na ipares dito?
Garlic rice, mainit na sabaw ng baka, at atsarang papaya.


Ang Beef Pares ay isang klasikong pagkaing Pilipino na may malambot na baka at makapal na sweet at savory na sarsa. Madali itong ihanda at perpekto para sa tanghalian, hapunan, o kahit sa mga espesyal na okasyon.

Bistek Tagalog Recipe 

Beef Mechado Recipe