Ginisang Carne Ng Baka

Maraming paraan paano lutuin ang karne ng baka, pero para sa akin madali lang lutuin yong igigisa mo lang sya sa sibuyas at toyo,masarap dahil  tuyo ang pagkakaluto.

Mga sangkap:

1/2 kilo karne ng baka(hiniwa)
3 butil ng bawang (dinikdik)
2 buong sibuyas (hiniwa)
3 kutsara toyo
asin ayon sa iyong panlasa
paminta durog ayon sa iyong panlasa

Paraan ng Pagluluto:

1. Igisa ang baka sa bawang saka haluing maigi hanggang sa maalis ang kulay pula ng karne.
2. Ilagay ang toyo at paminta, haluing maigi at timplahan ng asin kung kailangan, lutuin sa katamtamang init ng apoy hanggang sa lumambot. Pwedeng lagyan ng tubig kung medyo matigas ang karne, siguraduhin lang na matutuyo ito hanggang sa lumambot para hindi mawawala ang lasa.
3. Kapag malapit ng maluto ang karne ay lakasan ang apoy at ilagay ang sibuyas saka haluin madalas hanggang sa maluto ito.
4.Ihain kasama ang kanin.

Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

The best na part ng baka ang gamitin dito ay tenderloin para malambot.

Paano Gawin Ang Chicken Pop

Ang chicken pop ay madaling lutuin at tiyak magugustuhan ito ng mga mahal nyo sa buhay.

Mga sangkap:

1/2 kilo pitso ng manok (hiniwa)
1 tasa harina
1 tasa bread crumbs or panko
1 pirasong itlog
1/4 tasa tubig
asin ayon sa iyong panlasa
paminta durog ayon sa iyong panlasa

Paraan ng Pagluluto

1. Timplahang maigi ang manok ng asin at paminta ayon sa iyong panlasa.

2. Paghaluing maigi ang itlog at tubig, timplahan ng asin.
3. Ilagay ang mga hiniwang pitso ng manok sa harina, pagkatapos ay isawsaw sa pinaghalong itlog at tubig, patitisin, saka pagulungin sa breadcrumbs o Panko.
 4. Mag init ng mantika saka prituhin ang chicken pop.

5. Lutuin sa katamtamang init ng apoy siguraduhing maluto pati ang loob na bahagi ng chicken pop. Ihain kasama ng ketchup o kung anoman ang paborito ninyong sawsawan.

Paano Gawin Ang Macaroons

Kapag mga handaan na biglaan lang, itong macaroons ang naiisip ko kaagad para sa dessert dahil napakadali lang gawin. Sa recipe na ito ay sapat na ang 24 pirasong maliliit na paper cups.

Mga Sangkap:
100 Grams dessicated coconut
1 tasa gatas condensada
1 piraso itlog


Paraan ng Pagluluto:
1. Pagsama-samahin ang lahat ng sangkap at haluing maigi. Ilagay ang mixture sa paper cups.

 2. Painitin muna ang oven sa loob ng 10 minuto  sa temperaturang 180C. Pagkatapos nito ay ipasok ang macaroons at lutuin sa loob ng 10 minuto.

 3. Alisin sa oven at palamigin, pwede ng kainin o ibenta 😄

Paano Lutuin Ang Talaba

Isa sa pinakamasarap na lamang dagat ang talaba, malinamnam at sagana sa calcium at bitamina A, mababa din ang calories ng talaba. Sa Pilipinas mayroong talaba festival ang bayan ng Sibugay, Zamboanga  at Alaminos, Pangasinan. Mayroong iba't ibang paraan ng pagluluto nito gaya ng kilawin, ginisa, steamed, baked, inihaw, at marami pang iba. Ang ibabahagi ko ngayon ay kung paano ito i-bake.


Mga Sangkap:

10 piraso talaba
1 tasa cream cheese
1 1/2 tasa ginayat na keso
1 sibuyas hiniwa ng pino
2 kutsara carrots hiniwa ng pino
2 kutsara dahon ng sibuyas hiniwa ng pino


Paraan ng Pagluluto:

1. Maglagay ng 8 tasa ng tubig sa kaldero, kapag kumulo na ito ilagay ang talaba at pakuluan ng 5 minuto o hanggang sa maluto ito, karamihan sa talaba ay bumubuka kapag luto na. Kapag luto na ay hanguin ito at palamigin. Kapag malamig na ay buksan ito sa pamamagitan ng pag alis ng isang bahagi ng shell.

2. Sa pagawa ng palaman para sa talaba ay paghaluin ang 1/2 tasa ng keso, cream cheese, carrots, sibuyas at dahon ng sibuyas.

3. Gamitin ang natirang ginayat na keso pangbudbud sa ibawbaw ng napalamanang talaba.

4. Painitin ang oven sa 210 degrees celcius sa loob ng 10 minuto, pagkatapos nito ay ilagay ang talaba at lutuin sa loob ng 7 minuto, o hanggang sa maging maganda na ang kulay ng pagkaka-bake nito.
5.Ihain ng may ngiti sa iyong labi 😃.

Paano Lutuin ang Fried Chicken

Ang Fried Chicken or piniritong manok ay isa sa mga pinakapopular na putahe ng manok, kahit may iba't ibang paraan ng pagluluto ang mga tao dito, may iba di na nilalagyan ng harina o breading, may iba naman sili powder at harina ang ginagawang coating ng fried chicken, pero kahit ano pa man ang sangkap, basta't sinabing fried chicken, patok talaga sa lahat.


Mga sangkap:
1 kilo manok (hiniwa)
2 kutsara katas ng calamnsi
asin at paminta (panimpla)
1 tasa harina
mantika na pagpipirituhan


Paraan ng Pagluluto:

1. Timplahan ang manok ng kalamansi, asin at paminta. Haluing maigi.
2. Pagulungin sa harina at prituhin hanggang sa maluto.
3. Ihain kasama ng ketchup o anomang sawsawan na gusto mo.


Sa pagpipirito ng manok para hindi maging hilaw ang loob na bahagi, habang niluluto ito ay wag masyadong malakas ang apoy para unti-unting maluto ang loob at di pa sunog ang labas na bahagi, kapag malapit ng maluto saka lakasan ang apoy para magkaroon ng magandang kulay.


Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

Paano Lutuin Ang Puso Ng Manok

Ang puso ng manok ay hindi gaanong binibigyan ng pansin, pero kung alam mo paano ito ihanda, masarap ang puso ng manok. Sa bansang Brasil isa ito sa mga parte ng manok na common gamitin bilang inihaw sa paraan nila na ang tawag ay "churrasco". Sa mga restaurant ay siniserve din ito sa mga a la cart. Ang paraan na maluto ito ng madali ay sa kawali. Pero kung may oras kayo pwede rin itong ilagay sa barbecue stick saka iihaw. Sa susunod ilalagay ko dito kung paano ang inihaw nito.

Mga sangkap:

1/2 kilo puso ng manok (malinis na)

2 buo sibuyas -hiniwa

asin ayon sa iyong panlasa

mantika

Paraan ng pagluluto:

1. Initin ang mantika, kapag mainit na ilagay ang puso ng manok, lakasan ang apoy at haluing madalas para pantay ang pagkakaluto, parang isasangag mo lang ang puso ng manok kaya maganda malakas ang apoy para hindi magtutubig, kapag half cooked na ay ilagay ang sibuyas at timplahan ng asin.

2. Ituloy ang pagsangag sa malakas na apoy hanggang maluto ito.

3. Ihain.

Vinegar Onion Dipping Sauce

Gumawa ako ng kwek-kwek today para snack namin ng mga friends ko, kaya gumawa din ako ng masarap na sawsawan. Ayaw ng kasama ko ng bawang kaya ito lang ang nakayanan :D
Mga sangkap:

• 2 tasa vinegar
• 1 sibuyas pula (hiniwa)
• 2 sibuyas puti (hiniwa
• 2 kutsara asukal
• asin at paminta panimpla

Paraan ng Paggawa:

1. Pagsamahin ang asukal at suka, haluing maigi hanggang sa matunaw ang asukal.
2. Ilagay ang sibuyas at timplahan ng asin at paminta.
3. Pwede na itong gawing sawsawang ng fishball, kwek-kwek at iba pa.

English Version
Ingredients:

• 2 cups vinegar
• 1 red onion (sliced)
• 2 white onion (sliced)
• 2 tablespoons sugar
• salt and pepper to taste

Procedure:

1. Combine the sugar and vinegar, mix well until the sugar is fully dissolved.
2. Add the onions and season with salt and pepper, stir well.
3. This is ready to be used as a dipping sauce with your favorite food.

You can put chopped chili if you want it chili hot flavor.