Friday, May 17, 2024

Ginisang Ampalaya Na May Hipon at Itlog




Ang ampalaya ay isa sa mga gulay na ayaw ng karamihan dahil sa lasa nito na mapait, pero kahit mapait ito marami itong magandang maidudulot sa ating kalusugan dahil ito ay sagana sa antioxidant at mga bitamina na kailangan ng ating katawan. Kaya kumain na tayo ng ampalaya mga kabayan.

Thursday, May 16, 2024

Wednesday, May 15, 2024

Paano Magluto ng Sago



Ang sago ay isa sa mga sangkap na madalas gamitin sa mga panghimagas na putahe, kadalasan sa mga kaibigan ko o followers ng blog ko ay nagtatanong sa akin paano lutuin ang sago dahil nahihirapan sila, dahil matagal maluto, kaya nais kong ibahagi ang aking paraan sa pagluluto nito, para makatipid sa oras at gas.

Madali lang ang pagluluto ng sago, una mag-init ng tubig , sa kalahating kilo (1/2 kilo) na sago ay
 5 -6 litro na tubig ang gamitin.

Kapag kumulo na ang tubig ay ilagay ang sago at haluin maigi para di magdikit-dikit, pakuluan sa katamtamang init ng apoy sa loob ny 10-15 minuto habang hinahalo paminsan minsan. Pagkalipas ng 15 minuto ay patayin na ang apoy at takpang maigi para tuloy tuloy na maluto ang sago, hayaan ng ganito sa loob ng isang oras o higit pa.

Kaya ako kapag nagluluto ako ng sago salad, sa gabi ko pinapakuluan ang sago at hinahayaan ko lang syang nakababad sa caldero magdamag pagkatapos kong mapakuluan. Napakaganda ng resulta, transparent at nakatubo na.

Pagkatapos ng prosesong ito ay hugasan na ang sago para maalis ang sobrang lagkit na texture.
Ready na para gamitin sa salad or anomang putahe na paglalagyan mo.

Tuesday, June 27, 2023

Paano Gawin Ang Ensaladang Pipino



Ang ensaladang pipino ay madaling gawin at abot kaya pero masustansya, masarap kaulam ng mga inihaw at pritong carne o gulay.


Mga sangkap:


1 kilo pipino (hiniwa)
3 buong kamatis (hiniwa)
2 sibuyas (hiniwa)
1/2 tasa suka
pamintang durog ayon sa iyong panlasa
asin ayon sa iyong panlasa


Paraan ng paghahanda:

1. Sa malaking bowl, pagsamasamahin ang lahat ng sangkap, paghaluing maigi at timplahin ayon sa iyong panglasa.
2. Ihain ng nakangiti :-).
Pwedeng lagyan ng asukal ayon sa iyong panlasa para mabalanse ang asim ng suka.


Tuesday, June 14, 2022

Mushroom Omelette


Mula bata pa ako paborito ko na talaga ang kabute kaya marami akong iba't ibang paraan para lutuin ito, at itong omelette ang madalas kong gawin dahil madali lang lutuin at masarap pa.